\
نسيتنـي وتقـول مانـيـب ناسـيـك
حتـى ولـو قفيـت مانيـب نـاسـي
وتقول لي من قبـل لامشـي ابعطيـك
شطر ٍ كتبته فـي ّ يـوم انـت قاسـي
( لا تحسبني يوم أنا أقفيـت ساليـك )
واقول انـا غلطـان يـا كـل ناسـي
شفني بعد فرقاك .. اهـذري واناديـك
اثمل على لقياك .. والشوق .. كاسـي
عقبك .. احط ّ صورتك قدمي واحاكيـك
اتخيّلـك عـنـدي بـكـل الحـواسـي
لغيتنـي والمشكلـه ماقـدر .. ألغيـك
اثر ّ الحيـاة اليـوم .. لعبـة كراسـي
اتـرك كـلام الليـل يـوم ان اوصيـك
لاتزعـج الجـوّال .. وتبـذ ّ راســي
ما كنت اصـدق يالغـلا ميّـت ٍ فيـك
يا لين رحـت وبـان فينـي انتكاسـي
يـا ليتنـي مابيـن .. قلبـك واياديـك
وتروي .. عروق ٍ في ضلوعي يباسـي
صحيح .. حق الموت في يد ّ.. واااليـك
وان مت ّ .. علمّني لمنهو تواسـي .؟
بيّحت لك سدّي .. وانـا منـك وإليـك
لا تركن ّ .. الحب ّ العطـر .. للتناسـي
ارجع .. بجاه الله .. في وجـه باريـك
ثم جاه دمعـي .. والجـروح المآسـي
اعلن ّ مجيّك .. قبل ترمش .. انا . اجيك
شف ّ مركب الامال .. عطني مراسـي
من قلبي
الخميس يناير 17, 2008 1:57 pm
