اسمع كلامي واحسب لعمرك حسـاب /
اعمـل وتلقـى مـا عملتـه أمـامـك
لالايهمّـك راعـي الـهـرج كــذاب
رفيقـك / اللـي فالشدايـد حـزامـك
لا صار مالك فالقسى فزعـة أقـراب /
لاتبلِـش العالـم بكـثـرة خصـامـك
ولا صار قلبك من عنا الحب منصاب /
احـذر تبـيّـن للحبـيـب انهـزامـك
وأليا رقيت / أرقا علـى راس مرقـاب
وألا استرح وارتـح وريّـح عظامـك
منتب بمجبـورٍ علـى جلـب الأتعـاب
لا صار كسب الطيب ما هـو مرامـك
أقوى صداقه فالزمـن / خـوّة كتـاب
لا صار يجلا عـن حياتـك ظلامـك
وأكبر مصيبه تبتدي بيـن الأحبـاب /
لا صـار خلّـك مـا يثمّـن غرامـك
وأكبر جفا وخصام من بين الأصحاب /
تفشـي السـلام ولا يجـاوب سلامـك
وأكبر شقا فارق به النـوم الأهـداب /
لا صار لـك غايـب يـزاور منامـك
وأكبر مذلّه / حاجتـك عنـد الأجنـاب
وأليـا تسـاوت جيّـتـك وانعـدامـك
وأكبر عنا / لا صرت من بين الأغراب
تآيـه ولا تعـرف مكـان انضمامـك
وأكبر تعاسه / كانـك تشـدّ الأطنـاب
تبنـي وغيـرك غايتـه فـي هدامـك
وأكبر وفـا / لا جـاك للحـق طـلاّب
وأوفيـت حقّـه بالـوفـا والتـزامـك
لاتحسبـن المرجلـه فتـل الأشـنـاب
المرجلـه / فعلـك يسابـق كـلامـك
ماهوب عيب أليـا تعرّضـت لعتـاب
العيـب / أنـك مـا تلقّـي اهتمامـك
ولاهيب غايه لا وصل شخصك اعجاب
الغايـه / أن النـاس تعـرف مقامـك
ولاهو هدف تحصد كبيـرات الألقـاب
أكبر هدف / يستـر حلالـك حرامـك
ولاهي شجاعه تخضع لشخصك أرقاب /
افرض على روس النشامـا احترامـك
قل للعريب اللي فتـح للـردى بـاب /
درب الردى ماهوب دربك ... علامك !
الله وهبْـك وواهـب الخيـر وهّــاب
الجود سرجك والسخـى هـو زمامـك
حكم القدر صاير ولـو تفعـل أسبـاب
ولابـد مـا يـومٍ وتبلـى عظـامـك
أخذ الحقيقه واحسب لعمـرك حسـاب /
اعمـل وتلقـى مـا عملتـه أمـامـك
فعلا هذا هو