الحلم المستحيل

--------------------------------------------------------------------------------



يهيج صدري من صدوف الوقت والحظ الغبي
واغيب في غيهب مقافيش العسـر ودروبهـا
مومن بما يحدث يقين وتابـعٍ نهـج النبـي
غيـر الليالـي تستديـر وتلكـز بعرقوبهـا
اصد هجمات الدهـر وازوم وامـس شنبـي
وافتر وانا موريت والدنيا علـى مسحوبهـا
يثقل علي الحمـل واشيلـه ويحفـي منكبـي
وادم شرهات الرهـا واقـوم فـي مطلوبهـا
اسدد الرميه عليهـا والهـدف فـي ملعبـي
لا يارساله غامضـه محـدٍ فسـر مكتوبهـا
ما باقي الا تعترض دربـي وتنشـد وشتبـي
تمن جغمـه والمـزون مقونفـات نصوبهـا
مدري متى تبهج طموحاتي ويصفي مشربـي
ولدري متى جرب الليالي ما تحـك جنوبهـا
ما قدرت شوحات جهدي وانكرابـي وتعبـي
تلـد ليـه عينـهـا وتهـزلـي لغبوبـهـا
ما ميـزت تاريـخ جدانـي معطـرة الشبـي
ولا عبرت قدر السيوف الحـدب لا هدوبهـا
لا زلزلو صلب الحزم والضد يسبونـه سبـي
بالاسم نلبس ثوبهـا والقـدر ماهـو ثوبهـا
ويلومني من يدرق في ضل غيـره ويحبـي
عيب النشاما تعتنق بسلوب غيـر اسلوبهـا
ما يملك القدر الرفيـع الا عزيـز المنسبـي
الدون ماهو صوبها لو قال انا فـي صوبهـا
ولحدٍ قطع جوعه بفخر الجوع من راس الظبي
وغيض الصدور المرهيه ناتج لفاح كروبهـا
تفطرت ثومـة فـوادي مـا تحقـق مطلبـي
وصفت علاج العمر شرهين البشـر قفوبهـا
امبه بحلم المستحيل بـدون اغـادر غيهبـي
واسمع صدى صرخة غريقه تنتخي محبوبهـا
لا يا فزوع المرجله والفقـر يلطـم ويهبـي
وراس الرها فيه الليالي ما تبيـن ضروبهـا
ارقى سنود مع النشامـا والشكالـه مكسبـي
والمرجله شجرة وفا يكفـي طـرف نبنوبهـا
ولا علي خـلاف مـا دام المراجـل مزهبـي
ابهل مصارير السنين ولـو لـوت هندوبهـا

ألف شكر اختي على الموضوع الرائع

الفعو خيو تسلمي على المرور
بس الباقي ياويلكم
لان انا بس علي اكتب وانتم مبجايبين خبر
بس مابعتب عليكم >>>>>>>>>> طيبه
لان اختبارات
بالتوفيق اشوفكم في الجامعه

الله يوفقش اختي
تسلمي

جميعا حنين
ثانك يو ووو فيري ماتش